هي : الله يسلمك حبيبي .. ( مدري كيف طلعت منها كلمة حبيبي )
هو : أيش لابسه ألحين حياتي.. ( اخس يابو غزل )
هي : ماني لابسه حاجه !!!
هو : ليش ياقليلة الأدب عريانه كذا ؟؟ ( طيب ياقوي الشخصية )
هي : أقصد ماني لابسه ملابس حلوه يعني لابسه قميص البيت .. ( شوف التصريف كيف ) هو : أشوى !! .. المهم حياتي البسي كويس الدنيا برد طيب .. ( هو ماعليه منها هو همه مين يدفع حساب المستشفى )
هي : ان شاء الله حبيبي .. وانت بعد انتبه على نفسك وكل كويس ولاتطلع كثير في الشمس اوكي ؟؟
طبعا هيه تقول الكلام هذا وهيه تدلع وهو ماهو مصدق نفسه أول مرة في حياته كلها يسمع زي كذا هو : ( طبعا هو الحين فاتح أفمه ) الكلام هذا لي ولا يمكن قاعده تكلمين اخوكي ؟؟ ( هذا الكلام من هول الصدمه
هي : لا حبيبي لك انت وحدك ..
هو : ان شاء الله حياتي اكيد لازم دايما . . ( ماهو عارف يرد حتى
هي : بعد انا يأست واصابها الأحباط .. المهم نغير الموضوع .. كيف حال امك ؟؟ ( اشمعنى امه يعني ؟؟)
هو : بعد ان هدى أعصابه وتعوذ من ابليس وبلع ريقه.. الحمدلله طيبه تسلم عليتس وتقول سيري علينا(طبعا كله كلام علشان يشوفها)
هي : ان شاء الله خلاص طيب اوكي المهم غير الموضوع .. ( تسكيته حلوه
هو : تدري ايش صار لي اليوم ؟؟
هي : لا والله ماأدري ايش صار .. ايش صار ؟؟
هو : وقفت سيارتي عند البقاله ونزلت اشتري ولما طلعت لقيت واحد موقف وراي ومسكر علي المهم انا لقيت القزاز مفتوح ودخلت وبعدتها عن سيارتي وانا نازل من السياره الا وهذا الرجال الكبير واقف قدامي وقال ايش اللي دخل أهلك هنا ( الى هنا القصه صحيحه بس الباقي تم تلفيقه وتغييره ) ومسكته من حلقه وطلعت مفك العجل وضربته على راسه الا وهو مغمي عليه واخذت سيارتي وهربت .. ايش رايك فيه قوي صح ؟؟ ( الزير سالم على غفله)
هي : قوي ماشاء الله .. ( أكيد ماهي مصدقه بس ماتبغى تجرح شعوره ) هو : أقول حياتي خلاص روحي نامي ورتاحي .. ( فيه أحد يسمع كلامك هذا ويجيه النوم )
هي : أخاف أنام وحدي!!!! .. ( البنت تدلعت )
هو : أجي انام معاك .. ( والله غريبه تجرأ وقالها مين يصدق )
هي : بس ليش تنام معي ياحياتي . . ( على بالها بيقول كلام حلو )
هو : علشان ماتخافين لحالك. . ( سبب وجيه )
طبعا بعد ماطفشت من أهله ومن كلامه الغبي اللي زي وجهه قالت ..
هي : يووووووووووووووه منك خلاص مع السلامه ابي اروح انام .. وقفلت بوجهه .. ( امحق من حرمه )
هو : هذي وشبه زعلت مني كذا ليش انا ايش سويت .. ( ياشيخ روح ازرع بصل ) خخخخخخخخخخخخخخخخخخخخخخخخخخخخخ
الإثنين أغسطس 25, 2008 2:32 pm
